अप्रतीम कोळीगीत...
घेऊनशी जा रं ताजा ताजा दादा ताजा ताजा...
चिकना चिकना म्हावरा माझा...!
इस्वास ठेव रं सांगतंय् नक्की,
याचे पुरती कोंबरी फिकी,
अंगानं जोर येईल कामकाजा दादा...कामकाजा,
चिकना चिकना म्हावरा माझा...!
दिसतंस मेल्या बोंबलावनी,
खाशील तर होशील भोपल्यावानी, ताकदीच्या दव्याचा ह्यो राजा दादा ह्यो राजा,
चिकना चिकना म्हावरा माझा...!
तलूनशी खा जरा गरम गरम,
मिटुनशी जाईल सगला भरम,
वाजंल खुषीचा बेंडबाजा दादा...बेंडबाजा,
चिकना चिकना म्हावरा माझा...!
म्हवरा हाय माझा सोन्यावावी,
बघतंस कला का कावल्यावानी,
बोंबील वाकटी सुकट खा जा,
चिकना चिकना म्हावरा माझा...!
बोलू नको नाई बरपाचा ह्यो,
नीट बग नाई काल-परवाचा ह्यो,
वासकलाशीतंस चल फुट जा,
चिकना चिकना म्हावरा माझा...!
वाटे वरुण जाता शाळेच्या... जाग्या झाल्या जुन्या आठवणी... थांबली पाउले आणि शाळेचे दिवस आले ध्यानी... आणि पुन्हा एकदा दाटून आल मनी... गेलो थेट आत अन् सारच घेतल पाहून... आणि पुन्हा एकदा गेलो शाळेचाच होऊन... आठवल सार... समूह गीत प्राथना, पसायदान... अन् ओठावर आली मंजुळ गाणी... आणि पुन्हा एकदा दाटून आल मनी...!! केली पुन्हा एकदा तशीच मस्ती... केला थोडा दंगा... पण... ओरडणार नव्हतच कोणी... आणि पुन्हा एकदा दाटून आल मनी... पहिला तोच वर्ग... अन् अनुभवाला पुन्हा एकदा स्वर्ग.... बसलो नेहमीच्याच जगी... पण शिकवणार नव्हतच कुणी... आणि पुन्हा एकदा दाटून आल मनी.... मग पुन्हा एकदा... बसाव वाटलं... त्याच कट्ट्यावर... अन् जागविल्या आठवणी... नकळत डोळ्यात आलं पाणी... अन् पुन्हा एकदा दाटून आल मनी.... आठवणींनी ताब घेतला होता मनावर... आले उन्हाचे कवडसे अन् आलो भानावर... एक विनंती... भेटून सारे जागवू शाळेच्या आठवणी... अन् ते क्षण सारे आनंदी साठवू मनी...!! -Ek प्रियकर
Comments
Post a Comment