प्रेमात पडल्यानंतर लक्षात ठेवण्याच्या १२ गोष्टी... लव्ह अँट फस्ट साईट असो, नाहीतर तिच्या प्रचंड नखर्यांनंतर आणि नकारांनंतर मिळालेला होकार असो.किंवा मित्र-मैत्रिणींमध्ये अलगदपणेफुललेलं प्रेम असो.. आपण कशाप्रकारे प्रेमात पडतो हे महत्त्वाचं नाही; कारण प्रेमात पडणंतसं सोपं आहे; पण ते प्रेम निभावणं मात्र महाकठीण. एकमेकांना ‘पटवण्याच्या’ हजारो पद्धती तुम्हाला माहीत असतील; पण प्रेमात पडल्यानंतर ते प्रेम निभावणं. फुलवणं त्याचं काय...? ते जमतं तुम्हाला...? की ज्या नात्यावर मनापासून प्रेम केलं तेच नातं जगण्यावर उदास सावली धरतं. तसं कुणाचंचं होऊ नये. म्हणून प्रेमात पडल्यानंतर लक्षात ठेवण्याच्या काही गोष्टी. प्रेमानं जगण्याच्या, जगवण्याच्या.... १) कुठलंही नातं विश्वासावर अवलंबून असतं. प्रेमात पडल्यानंतर त्या दोघांमध्ये विश्वासाचंएक नातं तयार होतं. पण निर्माण झालेला विश्वास टिकवणं मात्र गरजेचं असतं. तेव्हा एकमेकांपासून कुठलीही गोष्ट लपवू नका. नात्यातजितकी पारदर्शकता असेल तितकं तुमचं नातं तुम्हाला आनंद देईल. २) एकमेकांना कधीही गृहीत धरू नका. प्रेमात पडल्यानंतर होतं काय की समोरच्या म