बलात्कार...
प्रत्येक नव्या दिवशी, प्रत्येक क्षणी...
कुठे ना कुठे...
कधी दिल्ली , तर कधी मुंबई...
ना जाणे अजून कुठे कुठे...
जणू स्पर्धाच सुरु केलीय...
कोण किती जखमा देईल याची...?
आणि मग चर्चा सुरु होतील...
सोशल मीडिया वर...
फ्रंट पेज बातमी होईल कित्येक पेपरांसाठी...
आणि मग काही लोक आहेतच...
पुन्हा तयार करायला...
बलात्कार....
उतरवून घेतील शब्दन शब्द...
तिच्यावरच्या अत्याचाराचा...
लावून टाकतील एखाद्या असह्य...
नग्न देहाचा फोटो...
काढतील एखादा निषेध मोर्चा...
कुठलासा झेंडा हातात घेऊन...
आणि जमलच तर देऊन टाकतील...
तिथेही रंग एखाद्या जातीचा...
मिळतील खूप सारे लाईक्स अन् कंमेंट्स...
अन् मग दबली जाईल हि पोस्ट हि...
एखाद्या नव्या विषयाखाली...
मग हाही विषय जुना होईल...
पण ते मात्र अजूनही मोकाटच असतील...
पुन्हा एखाद्या बलात्कारासाठी...
पण हे दुःख, वेदना अन् असह्यता...
अजूनच वाढत जाईल...
बदलत्या पिढीबरोबर... काळानुसार
होत राहतील बलात्कार...
बलात्कारावर बलात्कार...
अजून एक बलात्कार....
आणि मग अजून एक बलात्कार...
चौका चौका मध्ये होत राहतील...
फक्त... बलात्कार आणि बलात्कार...
फक्त तिच्या देहाचा नाही...
स्त्रीचा, तिच्या स्त्रीत्वा चा...
प्रत्येक कोवळ्या मनावर होत असेल...
बलात्कार
✍भावेश जनार्दन म्हसकर
९०२९५०८९०७
मु. पो. खरसई जि. रायगड
www.ekpriyakar.blogspot.com
Comments
Post a Comment